蕎蕎 の成長日誌

16/4/2011

迪迪尼有趴地比有全年通行證既人玩, 不過都要登記先有得去~

 所以就約埋表姐一家夜晚入去玩下啦~

當晚有好多不同既卡通人物出現同小朋友影相架~

有D仲係平時唔會出現既添~不過排隊影相既人好多, 最衰仲要截人, 我地都唔夠人快~

 最後剩係同左維尼 & 豬豬影相~

 仲有近期勁鐘意既長髮公主--樂佩!

  雞同鴨講中!

 之後仲見到晴晴添~

 當晚好多機動遊戲都唔駛排隊架~

 好耐無試過唔駛排隊玩小飛象啦, 小人們勁開心, 玩左好多次呢~

3歲2個月的蕎蕎

前日, 蕎蕎見媽媽轉左甲油顏色, 就問..

蕎蕎: [媽媽你個D藍色既?! 我要橙色!]

媽媽: [下..你細個唔搽得住架, 要大個先得架]

蕎蕎: [要大個先得?!我都又想要呀!(扁咀中)]

媽媽: [等媽咪遲D搵下有冇甲油專比小朋友搽架啦, 好嗎?!]

爸爸: [下….甘大獲?!]

事情告一段落, 小人冇再堅持要搽….

尋晚, 夠鐘訓覺時, 蕎蕎同媽媽手拖手去VV & 刷牙….

蕎蕎: [媽媽你個D藍色既?! (媽媽心諗: 又黎?!) 係邊度整架?!]

媽媽: [媽媽自己搽架]

蕎蕎: [哦..甘靚既] 好彩冇再繼續講啦~

行到出廳, 見到坐係度睇電視既爸爸時…

蕎蕎(望到爸爸腳趾甲上冇顏色) : [你細個呀, 我又細個呀, 唔搽得架!]

爸爸(忍笑): [哦, 爸爸冇搽呀!]

蕎蕎(發覺唔對路) : [爸爸大個呀..我先細個, 你搽橙色呀?!好唔好呀?!] 跟手係枱面拎起左支橙色顏色筆比爸爸。

爸爸: [下..爸爸唔搽啦!]

蕎蕎: [唔緊要啦, 唔緊要啦, 你大個可以搽架, (遞支顏色比媽媽) 你幫佢搽啦!]

爸爸: [最衰係你啦!] (媽媽心諗: 下..又係你叫我去整甲既:P)

爸爸: [教佢搽我隻腳!]

原來佢以為我教佢, 邊關我事0者, 佢自己諗架咋~

Day 5 (14/4/2011)

係韓國最後一日, 今朝導遊帶我地去食左個好豐富既早餐~

因為主要行程已經去完, 導遊問左我地意見後(因要比車錢)就帶我地去[新村] SHOPPING~

[新村]係有D似香港既加連威路道, D衫比較平, 不過帶住蕎蕎行街, 我地既收獲都唔係太豐富~

見有汽水機, 蕎蕎就開心, 必定要求買汽水, 但買左又多數又唔飲....

 午飯時間 - 自費既醬爆雞, 味道唔錯!

 汝矣島公園- 食飽後去睇櫻花

 第一日落雨仲驚冇櫻花睇, 好彩呢幾日都好天, 櫻花都差唔多開哂~

 賞花後, 就出發去機場啦~途中經過手信店, 買番D手信返香港~

 到機場, 蕎蕎好開心甘同攝影師哥哥, 團友姐姐係度傾計, 食薯條~

 佢真係老實不客氣, 自己拎黎食添~

 夠鐘上機啦...韓國再見!

 今次跟團去韓國好開心, 遇到一班好團友, 領隊, 導遊, 攝影師, 司機等~

 希望下次跟團再去旅行時一樣甘好彩啦~

Day 4 (13/4/2011)

 行程: 青瓦台總統府門外參觀及拍照留念-->青瓦台舍廊房-->人蔘專賣廳-->水晶城-->東大門市場 -->明洞 -->華克山莊賭場

 又係晨甘早出發, 今日可以唔駛拎行李, 就甘帶個背包及蕎蕎個隨身袋就起行~

 當然仲有係樂園買既寶貝相機啦~

 青瓦台舍廊房

 主要係介紹韓國既歷史~

 呢個係導覽機械人~

 韓國貨幣

 後面係總統府(冇記錯應該係)

 呢部機係專給遊客拍照既~拍照後再揀背景, 然後入番自己既電郵地址就可以, 之後就會收到相架啦~

 蕎蕎好鐘意玩, 因為有支筆可以畫~最後仲要比爸爸惡攪, 呵呵呵~

 蕎蕎見到甘大隻公仔, 就緊係即刻跑去影相啦~

 人地就老公坐底, 老婆企係後面~

 我地就亞囡坐底, 媽媽企後面~ 邊個地位高D?! 睇相便知!

  參觀完後, 就係後面公園集合~等候既期間, 蕎蕎當左呢個牌係滑梯, 係甘SIR~

 個牌就乾淨哂, 佢條褲就....

 之後係既行程就係跟團必備既節目--氹你買野!

 人蔘專賣廳

 我地竟然失手, 係人蔘店買左人蔘粉~亞導遊話對小人身體好好架喎, 整左幾杯比蕎蕎飲~

 原本諗住佢唔飲架啦, 點知佢竟然搭好好味, 仲有左3杯~

 問爸爸意見, 又係個句:你鐘意啦～

 最後。。。多謝盛惠港幣19XX~

 東大門

 因時間唔多, 我地都係專攻童裝, 不過太多款式, 但又同香港差唔多, 所以都唔係買左好多~

 最慘係買左對鞋, 試啱架麻, 點知左右腳竟然唔同SIZE, 仲要返HK先知..激死我~

 明洞

 周圍行下, 食下雪糕, 買左個肉酸膠美妮+幫朋友買既香水~

 華克山莊賭場

 因蕎蕎既關係, 我地冇入賭場, 只係隔離既DUTY FREE 掃貨~

 主要係幫朋友及親友買化妝品~

 不過最後發現原來冇咩團友入賭場, 個個都係走去DUTY FREE掃貨~

 買完野我地就返酒店休息啦~ 

Day 3 (12/4/2011)

行程: 韓食DIY[大長今]生活體驗[親手製造韓國泡菜]-->試穿韓國傳統服裝及拍照-->水果園-->夢幻樂園-->Drawing Show

 一早醫左肚就出發去整泡菜~

 我地呢幾日坐既旅遊巴唔錯架~  司機叔叔仲好有禮貌, 好好人添~  

  本來好開心, 諗住終於有機會同蕎蕎整下野食架麻, 點知大小姐扭計~

  最後爸爸就同左佢出去玩, 變左得我一個自己整~

  整完後我地去試穿韓國傳統服裝~  

  套衫係蕎蕎自己揀架, 開頭我見好似好普通, 又唔靚, 揀過另一件比佢, 點知佢唔肯~

  不過著上身後又覺得唔錯, 蕎蕎見其他人讚佢可愛, 仲非常得戚添~

隨團既攝影哥哥即刻拎個鼓比蕎蕎影相~

 影相後我地就去水果園摘士多啤梨, 每人限拎10粒走~

 韓國既士多啤梨好甜, 連蕎蕎平時唔多鐘意食, 當日竟然食哂自己個袋~

 水果園老闆仲專登搵左粒勁大既士多啤梨送比蕎蕎添~

 之後去另一個地方 - [夢幻樂園]~

 地方好大, 但無咩時間玩, 再加上我地唔係太識睇樂園個地圖~

 所以只係跟導遊去坐觀光車睇白老虎同其他動物, 之後周圍行下, 夠鐘就返去集合啦~

  係夢幻樂園既戰利品就係汽球一個+玩具相機~ 

 個相機幾抵玩, 佢之後成日揸住話同人影相, 最好係其他團友又交捉戲比佢影喎~ 

 去完夢幻世界，就出發去食晚餐~

 之後就係去睇約個半鐘既[DRAWING SHOW]啦~

 原本想唔去睇架, 我怕蕎蕎唔肯坐甘耐, 又話唔比中途離場, 一陣佢扭計時就大獲~

 有個蕎蕎好鐘意既團友姐姐知道我既顧慮後, 仲專登坐係我隔離添, 真係唔該哂~

 好彩蕎蕎成場SHOW都冇攪事, 仲交捉戲, 見人拍手佢都有拍手, 真抵錫~

 呢個[DRAWING SHOW] 又的確幾好睇, 唔怪得導遊極力推薦我地睇啦~

 睇完SHOW, 我地又要坐個幾鐘頭車返酒店啦~蕎蕎照例一上車就大覺訓~

 呢間酒店會住2晚, 唔大, 不過幾乾淨, 同埋床夠大, 係遠左D 0者, 都唔錯~ 

Day 2 (11/4/2011)

  行程: 龍平渡假村--> 大關嶺綿羊牧場 -->五臺山月精寺 -->小木屋 

  一早起身, 先係酒店食個自助早餐, 之後有約2個鐘時間比我地係渡假村行下~

  當日既氣溫約5度, 不過可能因為太陽既關係, 又唔係好凍, 仲幾舒服添~

  原來 [冬之戀人]係度拍既, 所以有D劇照供遊人拍照~

   之後去後面既滑雪場~

   蕎蕎身後既滑雪跑道仲未溶哂雪架~

   原本可以坐登山纜車上山睇下, 不過就因為停開冇得上去~

  D雪其實都幾污衊, 不過兩母女仍然好開心甘踢雪!

  有水既地方, 蕎蕎就會好努力甘搵下有冇魚同龜~ 

   睇完周圍既風景, 我地就出發去第2景點--[大關嶺綿羊牧場]

   去到牧場, 我地先整芝士~

   完成品!   

 呢舊芝士係4個人一齊整既, 由於要睇住蕎蕎既關係, 基本上呢舊野我地都無份整, 係由另外2位團友整既~ 賣相已經唔多好, 連味道都唔多好囉, 都冇芝士味既, 唔怪得佢比D粟米片我地連芝士一齊食啦, 反而D粟米片就好正, 我地差唔多食哂~

 整完芝士, 我地就出去餵羊啦~

 呢個所謂牧場好鬼細, 又好鬼臭, D羊仲要好似幾年冇食野甘~

 一遞個兜埋去, 佢地就係甘爭食, 連個兜都比佢地搶埋!

 蕎蕎餵左一次就驚左~不過經領隊好努力甘遊說佢後, 佢終於肯再餵, 最好總唔捨得走添~ 

  蕎蕎坐個隻羊係專比人影相既, 所以無欄入邊個D羊甘癲!

  見有人賣野, 就緊係去混下吉啦, 個毛毛耳套影完相就放番底!

  聽導遊話, 呢個牧場既羊其實唔多吸引, 最能吸引遊客既係呢隻狗! 個個都要同佢影相喎~

  司機先生見蕎蕎甘鐘意隻狗, 仲專登去搵D方包黎比蕎蕎餵狗狗食添~

  呢個司機先生勁鐘意蕎蕎, 每次落車上車都撩佢玩, 又想抱佢, 又比野佢食, 但蕎蕎就有D驚佢囉~

  去完牧場, 我地就去醫肚啦-- 午餐係 :香菇火鍋

  睇個樣好清淡, 但味道唔錯架, 韓國既菜真幾甜, 唔錯! 

   食飽後就去第3景點: [五臺山月精寺]

   蕎蕎一上車就訓覺, 基本上佢每次上車就話要訓覺, 所以各團友覺得佢好乖, 成日讚佢呢~

   到達目的地時佢仲訓緊, 所以我地決定唔跟大隊, 留番係車比佢慢慢訓~

 參觀完月精寺, 我地就去當日住既地方--小木屋~

 因為帶住蕎蕎既關係, 領導安排我地住離旅遊巴同食飯最近既屋, 真係好! 

 下面2張相係我地住個間屋既外觀&內觀~

  呢度係無野玩既, 我地都係周圍行下影下相~

  當晚晚餐係-- BBQ 

  呢餐BBQ只供應豬扒, 飯及湯, 開頭導遊話因為D豬扒無調味, 唔係甘好食, 就介紹我地買罐午餐肉黎燒~

 不過其實我地2個又覺得無調味既豬扒都好好味, 仲好啱蕎蕎食添~

飯後我地買左D煙花係露台燒, 蕎蕎玩得好開心呢~ 

 玩完煙花, 2父女入返屋後就1人拎1部電話, 訓係地下玩啦!

 甘我去沖涼囉~

有日, 一家3口行完街返屋企時...

媽媽推住BB車, 入門口時比爸爸踩到媽媽隻腳~

媽: [哎呀~~~]

蕎: [媽咪, 咩事呀?!]

媽: [爸爸囉, 踩到媽咪隻腳呀~]

蕎蕎聽完後無出聲, 但當爸爸行埋佢側邊時, 佢啤住爸爸, 之後仲打爸爸添!!

當時即刻出聲制止佢, 同埋叫佢唔可以甘樣對爸爸~

不過事後都有D開心, 因為覺得蕎蕎好錫我囉 :P~

有日, 一家3口飯後係親子活動--玩波~

蕎 (分波中) :[呢個蕎蕎既, 呢個爸爸既, 呢個媽媽既]

媽(可憐樣) : [咦, 點解你地有兩個, 我得一個既?]

爸(得戚樣) : [我同蕎蕎都有兩個, 媽媽得1個!]

之後蕎蕎望下我, 再望下爸爸, 然後走去爸爸度拎走一個波...

蕎: [呢個媽媽既!]

爸: [下, 甘我咪得1個囉?!]

蕎: [下次買個新既比你啦!]

WAKAKA~~等你甘得戚呀0拿~~

下次買個新既比你啦!!

迪迪尼已經去過N次, 所以好多時去左都唔記底啦~

不過今次因為係約左蕎蕎既朋友仔--- KYLE & 晴晴~

所以要記底先得~

另外, 因為5周年, 花車巡遊都唔同左~

重有就係今次入去有2個第一次~

[蕎蕎第一次同巴斯影相]

之前見到話要影, 不過成日都好多人, 今次行過無人排即去影~

當大合照影完後, 叫蕎蕎自己同巴斯影, 點知佢話驚@@

[第一次係去[馳車天地] ]

因為有限制高度, 而家先夠高玩咋~

又估唔到佢唔驚, 仲要玩多幾次添~

好玩呀~~再黎過呀!!

本來諗住睇埋煙花先走, 但因為都幾大風, 費事冷襯, 都係走人~

因為KYLE媽要返屋企食飯, 所以得晴晴一家同我地一齊食飯~

再次唔該晴晴爸爸車我地一家返屋企呢~

甘快走?!下次再去過啦!!

係PLURK見白雪講開呢間[2+2 Cafe], 又見出左雙糧, 就決定請老公去食番餐啦~

雖然蕎蕎唔駛錢, 但擔心佢會攪攪陣攪到大家無啖好食~

所以有諗過唔帶佢去, 但又成日覺得一家三口出去會開心D~

問爸爸意見啦, 又話我鐘意點就點(成日都拋番個波比我=.=)~

最後都係決定帶埋佢去, "洗"就"洗"啦~

當日蕎蕎好乖, 全程坐係位, 無要求落地~

仲要乖乖自己食野, 仲食得好滋味添~

所以呢, 當我永遠諗到最壞時, 佢就會比驚喜我架啦~:P

食飽飽後, 我地就去商場行下~

見佢今日表現唔錯, 就同佢入去[玩具玩飽城]玩下, 玩飽先返屋企訓覺~

雖然已經玩飽, 但佢都係要拎番D手信走先得既-----汽球一個!

見佢今日甘乖, 比錢都比得開心D~

前排叫蕎蕎影相, 佢就擺D甘既POST, 側頭, V字手勢, 想點呢?! .........