close
係PLURK見白雪講開呢間[2+2 Cafe], 又見出左雙糧, 就決定請老公去食番餐啦~
雖然蕎蕎唔駛錢, 但擔心佢會攪攪陣攪到大家無啖好食~
所以有諗過唔帶佢去, 但又成日覺得一家三口出去會開心D~
問爸爸意見啦, 又話我鐘意點就點(成日都拋番個波比我=.=)~
最後都係決定帶埋佢去, "洗"就"洗"啦~
當日蕎蕎好乖, 全程坐係位, 無要求落地~
仲要乖乖自己食野, 仲食得好滋味添~
所以呢, 當我永遠諗到最壞時, 佢就會比驚喜我架啦~:P
食飽飽後, 我地就去商場行下~
見佢今日表現唔錯, 就同佢入去[玩具玩飽城]玩下, 玩飽先返屋企訓覺~
雖然已經玩飽, 但佢都係要拎番D手信走先得既-----汽球一個!
見佢今日甘乖, 比錢都比得開心D~
前排叫蕎蕎影相, 佢就擺D甘既POST, 側頭, V字手勢, 想點呢?! .........
全站熱搜
留言列表