close
今年旅行選擇去韓國, 但因為得我地自己一家3口去, 我地2個又比較粗心大意, 帶蕎蕎去都係跟團放心D~
Day 1 (10/4/2011)
行程: 香港國際機場-->仁川國際機場---> 晚飯---> 龍平渡假村
航班時間係下午12:00, 因為唔駛甘早到機場, 所以我地決定坐巴士入機場!
去到機場, 蕎蕎見到行李手推車已經急不及待要推埋一份~
今次旅行, 我地仲買左個0急比蕎蕎添, 原意係想佢自己拎既, 不過我真係想多左囉~
大約3小時既航程, 約5點鐘就到左仁川國際機場啦!
4月份既韓國仍然有D寒冷, 即刻幫蕎蕎著番件厚褸~
因為入龍平渡假村既車程大約3小時, 所以導遊決定先食晚飯~
到韓國後既第一餐--韓式火鍋, 味道都唔錯, 不過我地剛剛先係機上先食完飛機餐, 真係無辦法食得落囉~
係呢3個鐘既車程, 蕎蕎訓著左, 所以我地都可以靜靜地聽導遊介紹韓國既事跡~
入到龍平渡假村已經差唔多10點鐘, 導遊講完明天集合時間+分配房間後, 就各自上房休息啦
因為之前既晚餐無咩食野, 所以我地就去酒店樓下既FAMILY MART買左2個杯麵宵夜~
等食中既蕎蕎都要爭取時間睇番套戲!
蕎蕎係房除左睇戲外, 仲有樣野玩, 就係.....衣櫃!
成晚就行出行入, 開門關門, 玩得好開心呢~
全站熱搜
留言列表